Reagimi i BISHZ-së drejtuar Gjykatës Kushtetuese të Kosovës 03.04.2010

Bashkimi i Intelektualëve Shiptarë në Zvicër - BISHZ, reagon ndaj veprimeve të

Gjykatës Kushtetuese të Kosovës, lidhur me Vendimin për heqjen e emblemës së

Lidhjes Shqiptare të Prizrenit nga Kuvendi Komunal i Prizrenit

Arsyetimet e një vëndimi të kësaj natyre në emrin e drejtësisë, demokracisë apo se

Prizreni na qenka qytet multietnik (që nuk përputhet me realitetin dhe të vërtetën), ka

dëshmuar se institucionet tona të drejtësisë nuk mirren me problemet thelbsore jetike

të mbi 90% të popullatës shqiptare, por zbatojnë kërkesa të pakicës qofshin ato edhe

të pa vend, e me qëllim ngacmimi të ndjenjave të shumicës..!

Disa nga shumë pyetje që do të duheshin t`i parashtrohen Gykatës Kushtetuese të

Kosovës, si organë më i lartë  i vendit, që thirret se ndanë drejtësi ...?

   Çfarë ka bërë deri më tani Gjykata Kushtetuese e Kosovës?

• Për të jetsuar rendin, ligjin dhe kontrollin e doganave në tërë Kosovën?
• Për zbatimin e rendit dhe ligjit në pjesën e Mitrovicës, ku kontrollohet nga strukturat

  paralele të vendosura nga Serbia dhe kundër mbishkrimeve dhe simboleve të tyre,

  ku haptas jo vetem që nuk e njohin Republikën e Kosovës, por qe dhjetë vite

  keqtrajtohen banorët e pambrojtur vendor shqiptarë nga serbët ardhacak?

• Për të luftuar korrupsionin në nivel të vendit, që është shëndrruar në kancer për

  ardhmërin e Kosovës?

• Për nxënien e kriminelëve serb e të tjerë, për t`u përgjegjur para drejtësisë,

  të cilët kanë kryer krime dhe shëtisin të lirë edhe nëpër Kosovë?

• Për mbrojtjen e pasurisë së lëvizshme dhe të palëvizshme të Kosovës, e cila është

  duke u plaçkitur e dëmtuar në forma dhe mënyra të ndryshme ?

• Për ruajtjen e trashëgimisë, historike, kulturore dhe kombëtare të Kosovës?

• Për ndaljen e ndërtimit të kishave serbe në Mitrovicë dhe shembulli ma i shëmtuar

  (kisha e ndërtuar dhe e mbrojtur e Serbve) në hapsirën e qendrës Universitare të

  Prishtinës- afër Bibleotekës Kombëtare?

Gjykata Kushtetuese e Kosovës ka pasur dhe ka me çfarë të merret dhe të bie vëndime

e të kërkoj zbatimin e tyre nga institucionet e vendit që janë përgjegjëse, si të atyre të

më lartë shënuara dhe shumë të tjerave. Kujdes, mos e vrani Kosovën me vendime dhe

dorën e juaj...!

Për BISHZ-në,

Me respekt

Abas Fejzullahi, kryetar

03.04.2010

Njoftim dhe ftesë për pjesëmarrje me referat apo kumtesë në Tryezën e rrumbullakët të BISHZ-së më 12.06.2010

Bashkimi i Intelektualëve Shiptarë në Zvicër (BISHZ), në bashkëpunim me anëtarët e sajë

dhe bashkëpunëtorët e jashtëm nga mërgata dhe trojet etnike, ka zhvilluar aktivitete në

shumë drejtime.

Me rastin e 11 vjetorit të çlirimit të Kosovës,  në shenjë nderimi dhe respekti ndaj  NATO-së

në përgjithësi dhe SHBA-ve në veçanti, për ndihmën e dhënë për lirinë e Kosovës, si dhe me

rastin e 132 vjetorin e LSH të Prizrenit, më 12.06.2010,  në Solothurn- Zvicër organizon

Tryezë të rrumbullakët,  me këto tema bosht, që do të trajtohen.

• Strukturat e komunikimit ndërshqiptarë

• Pozita e opozitës në Kosovë

Ftohen të interesuarit të marrin pjesë në Tryezën e rrumbullakët , me punimet e tyre sipas

temave të zgjedhura.

Secili pjesmarrës, e titullon temën sipas përmbajtjes që trajton në kuadër të temave të

zgjedhura  nga BISHZ-ja.

Pjesëmarrja e potencialit intelektual në drejtime të ndryshme profesionale nga mërgata në

Zvicër e më gjërë dhe nga trojet etnike, me punimet dhe përvojën e tyre do të kenë rëndësi

të veçantë, nga këndëvështrimi intelektual dhe profesional, lidhur me trajtimin e temave në

fjalë, si dhe zhvillimin e bashkëpunimin në vazhdimësi mes mërgatës dhe atdheut, në të

gjitha drejtimet ku ekzistojnë mundësit e ndërsjellta.

Tryeza do të mbahet të shtunën, më 12.06.2010, prej orës 14.00 - 18.00.

Adresa:

Berntorstrasse 10

4500 Solothurn-CH

Për më shumë të dhëna kontaktoni:

Abas Fejzullahi  (++41) 078 718 76 45

Pjesëmarrja dhe paraqitja e referatit/kumtesës

1. Lajmërimi i pjesëmarrjes dhe paraqitja e emrit të referatit - kumtesës deri më

    15.05.2010.

2. Dërgimi i referatit - kumtesës deri më 25.05.2010, referatet e ardhura pas kësaj date,

    s`përfshihen në program.

3. Paraqitja e të interesuarve vetëm për pjesmarrje, për sigurimin e vendeve duhet bërë

    deri më 06.06 2009.

Luteni që informatat lidhur me pikat 1-2 dhe 3 t'i dërgoni përmes adresës elektronike në

vijim.

E-Mail:     abas.fejzullahi@bishz.ch

                afejzullahi@yahoo.com

                abas_fejzullahi@hotmail.com

Internet: http://www.bishz.ch

Me respekt

Abas Fejzullahi, kryetar

03.04.2010